Alþjóðaheilbrigðismálastofnunin (WHO) lýsti yfir því á mánudag (27.4.) að hættustig vegna hugsanlegs heimsfaraldurs inflúensu hafi verið uppfært frá 3. stigi til þess 4. sem samsvarar hættustigi almannavarnakerfisins hér á landi.

Í febrúar 2009 samþykkti PhVWP, vinnuhópur um lyfjagát á vegum Lyfjastofnunar Evrópu (EMEA), tillögur að breytingum á samantektum á eiginleikum lyfs (SPC) og fylgiseðlum fyrir ósértæka alfa-blokka, sem og áætlun varðandi framkvæmd þessara breytinga. Um er að ræða viðbótarupplýsingar í tengslum við notkun þessara lyfja samhliða fosfódíesterasa-5 hemlum.

Í janúar 2009 samþykkti PhVWP, vinnuhópur um lyfjagát á vegum Lyfjastofnunar Evrópu (EMEA), tillögur að breytingum á samantektum á eiginleikum lyfs (SPC) og fylgiseðlum fyrir lyf sem innihalda alendrónat. Um er að ræða viðbót öryggisupplýsinga er lúta að aukinni hættu á álagsbrotum samfara notkun alendrónats.