Sjúkratryggingar taka þátt í greiðslu hagkvæmustu pakkninga í ákveðnum lyfjaflokkum. Hagkvæmustu pakkningarnar í hverjum lyfjaflokki eru ýmist metnar út frá einingarverði eða skilgreindum dagsskammti. Sjá nánar í 8.gr. reglugerðar um greiðsluþátttöku sjúkratrygginga í lyfjakostnaði (1143/2019).
Samheitalyfjum er raðað í viðmiðunarverðflokka og innan sama flokks er um að ræða sömu lyf (sama virka efni, sama lyfjaform, sami styrkleiki) frá mismunandi framleiðendum. Sjúkratryggingar Íslands miða greiðslu fyrir ódýrasta lyfið og ef sjúklingum velur annað greiðir viðkomandi mismuninn (svo fremi sem hann sé ekki með lyfjaskírteini).
Um nokkra lyfjaflokka gilda reglur um skilyrta greiðsluþátttöku. Mismunandi lyfjum í svipuðum ATC flokkum er safnað saman og viðmiðunarverð ákveðið fyrir hvern og einn flokk.