Fréttir

Bréf til heilbrigðisstarfsmanna (DHPC) - Adenuric (Febúxóstat). Lyfið er ekki markaðssett á Íslandi en er notað í undanþágukerfinu

Aukin hætta á dauða vegna hjarta- og æðasjúkdóma og dánartíðni af öllum orsökum hjá sjúklingum meðhöndluðum með febúxóstati í CARES-rannsókninni.

2.7.2019

Markaðsleyfishafi lyfsins Menarini International Operations Luxembourg S.A. hefur í samráði við Lyfjastofnun sent bréf til heilbrigðisstarfsmanna til þess að koma á framfæri nýjum öryggisupplýsingum um lyfið. Lyfið er ekki á markaði á Íslandi en er engu að síður notað hér á landi í undanþágukerfinu.

Í CARES rannsókninni á sjúklingum með þvagsýrugigt og sögu um alvarlega hjarta- og æðasjúkdóma kom fram marktækt meiri áhætta á dauða af hvaða orsök sem er og dauða í tengslum við hjarta- og æðasjúkdóm hjá sjúklingum sem voru meðhöndlaðir með febúxóstati samanborið við sjúklinga sem voru meðhöndlaðir með allópúrínóli.

Forðast skal meðferð með febúxóstati hjá sjúklingum sem eru þegar með alvarlegan hjarta- og æðasjúkdóm (t.d. hjartadrep, heilaslag eða hvikula hjartaöng) nema engir aðrir meðferðarkostir eigi við.

Nánari upplýsingar er að finna í bréfinu, og að auki má finna ítarlegar upplýsingar um Adenuric á vefsíðu Lyfjastofnunar Evrópu.

Yfirlit yfir bréf til heilbrigðisstarfsmanna.

Til baka Senda grein