Markaðsleyfishafi lyfsins (Astellas Pharma A/S) hefur í samráði við Lyfjastofnun Evrópu og Lyfjastofnun sent bréf til heilbrigðisstarfsmanna vegna hættu á rangri meðhöndlun forðalyfja sem innihalda leuprórelín, sem getur leitt til skertrar verkunar.
Ástæða þessara ráðlegginga er allsherjar endurskoðun innan EES á meðhöndlun lyfsins.
Þær ráðleggingar sem gerðar hafa verið eru eftirfarandi:
- Greint hefur verið frá rangri meðhöndlun forðalyfja sem innihalda leuprórelín, sem hugsanlega leiðir til skertrar verkunar.
- Hættan á rangri meðhöndlun eykst þegar verklag við blöndun og gjöf lyfs felur í sér mörg skref.
- Aðeins heilbrigðisstarfsfólk sem hefur reynslu af þessu verklagi skal undirbúa, blanda og gefa forðalyf sem innihalda leuprórelín.
- Mikilvægt er að fylgja nákvæmlega leiðbeiningum um blöndun og gjöf sem finna má í lyfjaupplýsingunum.
- Fræðsluefni um blöndun Eligard er birt á vef Sérlyfjaskrár.
Nánari upplýsingar er að finna í bréfinu og að auki má finna ítarlegar upplýsingar um Eligard í Sérlyfjaskrá.