Fréttir

Bréf til heilbrigðisstarfsmanna (DHPC) – Lyf sem innihalda kínólóna og flúórókínólóna

Hætta á langvarandi, hugsanlega óafturkræfum aukaverkunum og aukaverkunum sem geta valdið fötlun.

5.4.2019

Markaðsleyfishafar sýklalyfja sem innihalda kínólóna og flúorókínólóna hafa í samráði við Lyfjastofnun Evrópu (EMA) og Lyfjastofnun sent bréf til heilbrigðisstarfsmanna sem fjallar um aukaverkanir sem valda fötlun, eru langvarandi og hugsanlega óafturkræfar og hafa fyrst og fremst áhrif á stoðkerfi og taugakerfi.

Alvarlegar aukaverkanir í stoðkerfi eru m.a. sinarbólga, sinarslit, vöðvaverkir, slappleiki í vöðvum, liðverkir, bólga í liðum og erfiðleikar við gang.

Alvarleg áhrif á úttauga- og miðtaugakerfi eru m.a. úttaugakvilli, svefnleysi, þunglyndi, þreyta, skert minni og einnig skerðing á sjón, heyrn, lyktarskyni og bragðskyni.

Lyf sem innihalda kínólóna og flúórókínólóna og eru á markaði hér á landi eru meðal annars Síprox, Ciprofloxacin Alvogen og Ciprofloxacin Villerton.

Nánari upplýsingar er að finna í bréfinu og í frétt sem Lyfjastofnun birti um málið í desember 2018.

Yfirlit yfir bréf til heilbrigðisstarfsmanna.

Til baka Senda grein