Fréttir

Kolbeinn Guðmundsson nýr staðgengill forstjóra

29.4.2019

Frá og með 1. maí næstkomandi verður Kolbeinn Guðmundsson yfirlæknir Lyfjastofnunar staðgengill forstjóra. Hann tekur þar við af Jóhanni M. Lenharðssyni sem lætur af störfum á morgun. 

Kolbeinn er barnalæknir. Hann lauk prófi frá læknadeild Háskóla Íslands árið 1989, stundaði framhaldsnám í barnalækningum við University of Connecticut 1992-1995 og síðan í innkirtlasjúkdómum barna við Boston Children´s Hospital á árunum 1995-1999. Frá 1999 til 2004 var hann yfirlæknir á barnadeild Rikshospitalet i Oslo og frá 2004-2008 umsjónarmaður klínískra rannsókna hjá Íslenskri erfðagreiningu. 

Kolbeinn hóf störf hjá Lyfjastofnun haustið 2008 og hefur verið fulltrúi stofnunarinnar í vísindaráðgjafarhópi Lyfjastofnunar Evrópu (EMA) frá 2010. Þetta er 36 manna hópur sem kemur saman mánaðarlega og metur umsóknir frá einstaklingum, fyrirtækjum og háskólum um ráðgjöf við þróun nýrra lyfja eða meðferða. Kolbeinn var kosinn annar af tveimur varaformönnum hópsins í maí 2016. Hann er einnig aðalfulltrúi Íslands í CHMP hjá EMA en sú nefnd ákvarðar meðal annars hvaða lyf koma á markað á evrópska markaðssvæðinu. 

Kolbeinn hefur verið yfirlæknir Lyfjastofnunar frá árinu 2010. 

l

Til baka Senda grein