Fréttir

Norræn ráðstefna um gæðamál og eftirlit haldin í nóvember

6.5.2019

Þann 14. nóvember næstkomandi verður haldin norræn ráðstefna um lyfjamál í Kaupmannahöfn, Nordic QA forum 2019. Þetta er í sjöunda skipti sem ráðstefnan er haldin og sem fyrr verður fjallað um gæðamál og eftirlit. Þátttakendur eru annars vegar fulltrúar lyfjayfirvalda frá hverju Norðurlandanna, og hins vegar fulltrúar lyfjafyrirtækja. Ráðstefnan er sú stærsta sinnar tegundar Norðurlöndum.

Sjö erindi verða flutt á ráðstefnunni og meðal þeirra má nefna framlag fulltrúa dönsku lyfjastofnunarinnar þar sem yfirskriftin er í gamansömum tón: „Hvernig skal lifa af úttekt frá lyfjayfirvöldum – hagnýtar leiðbeiningar“. Þá munu fulltrúar lyfjafyrirtækja ræða stöðuna í lyfjafölsunarmálum, níu mánuðum eftir að lyfjaauðkenniskerfinu var komið á.

Fulltrúi Lyfjastofnunar verður Jón Pétur Guðmundsson sérfræðingur á eftirlitssviði. Í erindi sínu ræðir hann hvar skórinn kreppir helst í því sem snýr að reglum um góða starfshætti við lyfjadreifingu (Good Distribution Practice - GDP), og lyfjagerð (Good Manufacturing Practice - GMP).

Dagskrá ráðstefnunnar Nordic QA forum 2019

Til baka Senda grein