Fréttir

Varilrix – verður birt á undanþágulista 1. september.

Vegna mistaka láðist að birta Varilrix á undanþágulistanum 1. ágúst. Upplýsingar um lyfið verða birtar á undanþágulista 1. september.

7.8.2013

Skortur er á skráðri pakkningu Varilrix bóluefnis gegn hlaupabólu. Hægt er að útvega óskráða erlenda pakkningu þar sem leysirinn er í lykju í stað áfylltrar sprautu sem er skráð hér á landi. Að öðru leyti er samsetning bóluefnisins eins. Engar íslenskar upplýsingar fylgja pakkningunni.
 

Þar til skráð pakkning verður aftur fáanleg geta læknar ávísað Varilrix, stungulyfsstofni og leysi í pakkningu með bóluefni í hettuglasi og leysi í lykju. Birta átti upplýsingar um lyfið á undanþágulista 1. ágúst en vegna mistaka fórst það fyrir. Lyfið verður birt á undanþágulista 1. september. Læknar þurfa að ávísa lyfinu á undanþágulyfseðli en apótekin geta afgreitt það strax eins og það sé á undanþágulista. Distica hf. annast heildsöludreifingu lyfsins.

Vörunúmer er 96 84 56.

Til baka Senda grein