Fréttir

Til markaðsleyfishafa – Íslenskar þýðingar á nýjum staðalheitum

Áður en ný og breytt staðalheiti verða send til EDQM til birtingar er hagsmunaaðilum boðið að senda Lyfjastofnun athugasemdir.

5.9.2013

Drög að nýjum íslenskum þýðingum á staðalheitum fyrir lyfjaform og íkomuleiðir lyfja sem samþykkt hafa verið hjá evrópsku lyfjaskránni (EDQM) liggja nú fyrir. Um er að ræða 6 ný staðalheiti, þar af 1 samsett heiti (combined terms) og eitt eldra heiti sem ekki hafði verið þýtt áður (Granules for vaginal solution).

Lyfjastofnun fyrirhugar einnig að breyta íslenskri þýðingu á staðalheitinu „Tablet for vaginal solution“. Tilgangurinn er fyrst og fremst að samræma þýðingar.

Áður en ný og breytt staðalheiti verða send til EDQM til birtingar er hagsmunaaðilum boðið að senda Lyfjastofnun athugasemdir við þýðingarnar, sjá meðfylgjandi skjal. Athugasemdir ásamt útskýringum og e.t.v. nýjum tillögum að þýðingum, leiðréttingum eða ábendingum skulu sendar í því skjali sem er til umsagnar, þ.e. í dálkinum lengst til hægriog berast á netfangið lyfjastofnun@lyfjastofnun.is auðkennt „Athugasemdir við staðalheiti“, eigi síðar en 20. september n.k.

Til baka Senda grein