Fréttir

Uppfærður listi yfir lyf sem veitt hefur verið íslenskt markaðsleyfi en eru ekki markaðssett

Listi yfir lyf sem veitt hefur verið íslenskt markaðsleyfi en eru ekki markaðssett, en eru notuð á grundvelli undanþágubeiðna sem Lyfjastofnun hefur samþykkt hefur verið uppfærður.

8.9.2014

Með dreifibréfi, dags. 7. október 2008, greindi Lyfjastofnun frá þeirri ákvörðun að birtur verði á heimasíðu stofnunarinnar listi yfir lyf sem veitt hefur verið íslenskt markaðsleyfi og eru ekki markaðssett en eru í notkun á grundvelli undanþágubeiðni sem Lyfjastofnun hefur samþykkt.

Listinn var fyrst birtur 1. desember 2008 en hefur nú verið uppfærður. Eitt lyf fellur af listanum vegna þess að það er nú markaðssett, eitt lyf fellur af listanum vegna þess að markaðsleyfi þess hefur verið fellt niður og á listann bætast 11 lyf. Listinn er ekki tæmandi og verður uppfærður eftir því sem efni gefst til.

27 lyf á listanum voru í notkun á fyrri helmingi þessa árs. Lyfjastofnun hvetur markaðsleyfishafa og umboðsmenn til að gera gangskör í að markaðssetja lyfin og komast þannig hjá notkun í undanþágukerfinu og fyrirhöfn sem slíku fylgir.

Komi til markaðssetningar/samhliða innflutnings lyfs hérlendis verður það fellt af listanum þegar upplýsingar um lyfið hafa verið birtar í lyfjaskrám og lyfið er fáanlegt.

Sjá lista

Til baka Senda grein