Fréttir

Varað við kaupum á rafsígarettum

Innflutningur og dreifing slíkra vara hér á landi er brot á lyfjalögum.

20.11.2009

Vegna umfjöllunar í fjölmiðlum að undanförnu um rafsígarettur skal vakin athygli á eftirfarandi:

Lyfjastofnun hefur flokkað rafsígarettur, sem innihalda nikótín, sem lyf hér á landi sbr. 5. gr. lyfjalaga nr. 93/1994. Innflutningur og dreifing slíkra vara án markaðsleyfis er því brot á lyfjalögum.

Í frétt Lyfjastofnunar frá 31.7. s.l. kemur fram að bandaríska matvæla- og lyfjaeftirlitið, FDA, hafi rannsakað svokallaðar elektrónískar sígarettur eða rafsígarettur og í ljós hafi komið að þær innihéldu auk nikótíns ýmis skaðleg og jafnvel krabbameinsvaldandi efni s.s. ýmis nítrósamínsambönd og díetýlen glýkól. FDA hefur sent frá sér viðvörun vegna notkunar rafsígaretta.

Lyfjastofnun varar fólk við kaupum á lyfjum á netinu. Slík verslun með lyf er óheimil samkvæmt íslenskum lögum og hafa rannsóknir sýnt að yfir 60% lyfseðilsskyldra lyfja sem seld eru á netinu eru fölsuð og yfir 90% netapóteka starfa ólöglega.



Til baka Senda grein