Fréttir

Lyfjasala minni á fyrri helmingi þessa árs en á sama tímabili í fyrra

Á fyrri helmingi ársins 2010 seldust 1,2% færri skilgreindir dagskammtar (DDD) en á sama tímabili ársins 2009

16.8.2010

Á fyrra helmingi þessa árs seldust 82,1 milljón skilgreindir dagskammtar lyfja (DDD) samanborið við 83,1 milljón á sama tímabili í fyrra. Samdrátturinn nemur 1,2%.

Verðmæti sölunnar eru13,0 milljarðar króna en voru tæpir 12,9 milljarðar á fyrra helmingi ársins 2009 og hefur kostnaður því aukist um 1,2% milli tímabila, reiknað á smásöluverði með vsk.

Heildarsala lyfja allt árið 2009 nam 26,1 milljarði króna.

Sala í stærsta lyfjaflokknum, hjarta- og æðasjúkdómalyfjum, dróst saman um 9,5% reiknað í dagskömmtum fyrstu sex mánuði þessa árs miðað við sama tímabil í fyrra. Heildarkostnaður þessa flokks reiknaður á smásöluverði með vsk. dróst saman um 18,2%.

Mestu fé verja Íslendingar í tauga- og geðlyf eða 3,6 milljörðum sem er 27,8% af heildarlyfjakostnaði fyrri hluta 2010, reiknað á smásöluverði með vsk. Þetta er 3,0% aukning frá síðasta ári en 2,3% aukning reiknað í dagskömmtum.

Meðfylgjandi gögn ná yfir alla lyfjasölu, þ.e. gegn lyfseðli, til stofnana og án lyfseðils.



Til baka Senda grein