Nýtt frá CHMP – maí
Umsókn um lyfið Radicava dregin til baka
Sérfræðinganefnd Lyfjastofnunar Evrópu um lyf fyrir menn (CHMP) kom saman dagana 27.-29. maí sl. Mælt var með að fjórum lyfjum yrði veitt markaðsleyfi en tvö lyf fengu neikvæða umsögn. Umsókn um lyfið Radicava, sem ætlað er til meðhöndlunar á MND sjúkdómnum, var dregin til baka.
Lyfin fjögur sem mælt var með að fengju markaðsleyfi eru Cufence til að meðhöndla Wilsons-sjúkdóm, LysaKare sem ætlað er að vernda nýru við geislameðferð, og Posaconazole Accord og Posaconazole AHCL sem eru samheitalyf til að meðhöndla og koma í veg fyrir sveppasýkingu.
Sérfræðinganefndin skilaði hins vegar neikvæðri umsögn um lyfið Xyndari sem ætlað er til meðhöndlunar sigðkornablóðleysi. Neikvæða umsögn fékk einnig krabbameinslyfið Doxolipad.
Umsókn um lyfið Radicava, til meðhöndlunar á MND, var
dregin til baka þar sem CHMP taldi ekki ljóst af fyrirliggjandi
rannsóknargögnum að lyfið skilaði þeim árangri sem ætlast var til.
