Fréttir: Heilbrigðisstarfsmenn

Yasminelle af markaði 1. júlí 2018 - 4.6.2018

Þann 1. júlí næstkomandi verður lyfið Yasminelle fellt úr lyfjaskrám að ósk markaðsleyfishafa lyfsins. Þeim konum sem notað hafa lyfið er bent á að hafa samband við lækni til að fá ávísað öðru lyfi.

Lesa meira

Tímabundin undanþága fyrir Parkódín - 18.5.2018

Lyfjastofnun hefur, að höfðu samráði við lyfjagreiðslunefnd, veitt heimild til sölu lyfs þar til upplýsingar birtast í lyfjaskrám 1. júní 2018.

Lesa meira

Upplýsingasíða um lyfjaskort - 17.5.2018

Sett hefur verið upp síða á vef Lyfjastofnunar þar sem veittar eru upplýsingar vegna lyfja sem ekki hafa verið fáanleg á markaði á Íslandi í einhvern tíma. Einnig hefur upplýsingum varðandi lyfjaskort verið bætt við á síðuna Spurt og svarað.

Lesa meira

Bréf til heilbrigðisstarfsmanna (DHPC) – Lyf sem innihalda azithromycin - 7.5.2018

Í nýlegri klínískri rannsókn var komist að því að notkun azithromycins til lengri tíma eftir blóðmyndandi stofnfrumuígræðslu geti valdið áhættu sem er meiri en væntanlegur ávinningur af notkun lyfsins.

Lesa meira

Nýtt frá PRAC – apríl 2018 - 18.4.2018

Sérfræðinefnd EMA um eftirlit með ávinningi og áhættu lyfja (PRAC) fundaði dagana 9.-12. apríl sl. Ályktað var um metótrexat og hýdroxyetýlsterkju. 

Lesa meira

Til lækna: Paratabs retard af markaði 1. júní - 13.3.2018

Í kjölfar málskots sem lauk með bindandi ákvörðun framkvæmdastjórnar Evópusambandsins hefur Lyfjastofnun ákveðið að íslensk markaðsleyfi lyfja sem innihalda parasetamól með breyttan losunarhraða skuli felld niður tímabundið. Á Íslandi nær ákvörðunin til eins lyfs á markaði, Paratabs retard, auk tveggja lyfja sem ekki hafa verið markaðssett. Ástæðan er hætta á eitrun hjá sjúklingum sem hafa tekið of stóran skammt af parasetamóli með breyttan losunarhraða. Hægt verður að ávísa og afgreiða Paratabs retard í apótekum til og með 31. maí nk.

Lesa meira

Ný lyf á markað 1. mars 2018 - 8.3.2018

Stutt samantekt um ný lyf sem komu á markað 1. mars
2018.

Lesa meira

Lyfjastofnun Evrópu leggur til að MS-lyfið Zinbryta verði tafarlaust innkallað. Alvarlegum tilvikum vegna notkunar hefur fjölgað - 7.3.2018

Lyfjastofnun Evrópu (EMA) hefur um nokkurt skeið verið á varðbergi vegna lyfsins Zinbryta, þar sem fljótlega eftir að það var sett á markað, virtist koma í ljós að notkun þess gæti orsakað alvarlegar lifrarskemmdir. Nú hafa komið fram önnur og fleiri alvarleg tilvik sem talið er að rekja megi til notkunar lyfsins. Tilmæli EMA eru því afdráttarlausari en áður. 

Lesa meira

Nýtt frá CVMP - febrúar - 1.3.2018

Sérfræðinefnd Lyfjastofnunar Evrópu um dýralyf fundaði dagana 13.-15. febrúar.

Lesa meira

Paratabs retard af markaði 1. júní 2018 - 27.2.2018

Í kjölfar ákvörðunar framkvæmdastjórnar ESB hefur Lyfjastofnun ákveðið að íslensk markaðsleyfi lyfja sem innihalda parasetamól með breyttan losunarhraða skuli felld niður tímabundið. Ákvörðunin nær til eins lyfs sem er á markaði; Paratabs retard, forðatafla 500 mg. 

Lyfið verður fellt úr lyfjaskrám 1. júní 2018 en fram að því verður læknum kleift að ávísa lyfinu og apótekum heimilt að afgreiða það. Lyfjastofnun áréttar að ávinningur Paratabs retard vegur hærra en áhættan sem fylgir notkuninni þegar lyfið er notað á réttan hátt og í ráðlögðum skammtastærðum.

Lesa meira

Bréf til heilbrigðisstarfsmanna (DHPC) – Esmya (úlipristal asetat) - 19.2.2018

Takmarkanir á notkun úlipristal asetats, Esmya 5 mg töflur,  ásamt mikilvægum viðvörunum um alvarlegan lifrarskaða og ráðleggingar fyrir eftirlit með lifrarstarfsemi.

Lesa meira

PRAC leggur til að leiðbeiningar um þungunarforvarnir þeirra sem nota retínóíða verði betrumbættar - 16.2.2018

Sérfræðinefnd EMA um eftirlit með ávinningi og áhættu lyfja (PRAC) hefur mælt með uppfærslu á fyrirmælum varðandi þungunarvarnir og einnig viðvörun á mögulegri áhættu á geðrænum aukaverkunum líkt og þunglyndi, kvíða og skapgerðarbreytingum við notkun retínóíða.

Lesa meira

Bricanyl retard og Xerodent af markaði 1. mars 2018 - 13.2.2018

Bicanyl retard 5 mg forðatafla og Xerodent munnsogstöflur fara af markaði 1. mars 2018

Lesa meira

Takmörkun á ávísun nokkurra eftirritunarskyldra lyfja - 5.1.2018

Lyfjastofnun hefur áður greint frá því á vef stofnunarinnar að til skoðunar eru ráðstafanir til að hamla gegn misnotkun eftirritunarskyldra lyfja. Í frétt stofnunarinnar þann 20. október 2017 kemur m.a. fram að frestað var til 1. janúar 2018 að taka ákvörðun um ráðstafanir og að frekari útfærsla yrði tilkynnt síðar.

Lesa meira