Tilkynningar um aukaverkanir lyfja voru aðeins þrjár talsins í aprílmánuði, engin þeirra alvarleg. Fáar tilkynningar að þessu sinni gætu skýrst af COVID-19 faraldrinum sem reis hvað hæst síðari hluta marsmánaðar og fram yfir miðjan apríl.
Tilkynningar um aukaverkanir skipta miklu máli og veita mikilvægar upplýsingar um öryggi lyfja. Þá má minna á að Lyfjastofnun Evrópu hvatti sérstaklega til þess fyrir skömmu, að aukaverkanir lyfja sem gefin hafa verið við COVID-19 verði tilkynntar, sem og aukaverkanir af lyfjanotkun vegna annarra sjúkdóma meðan á kórónaveirusýkingunni stendur.
Tilkynna má rafrænt um aukaverkun lyfja í gegnum gátt á vef Lyfjastofnunar
-Tvær af þremur tilkynningum aprílmánaðar komu frá notendum, ein frá lækni.
