Fréttir

Vegna aukinnar eftirspurnar eftir bóluefni

Hraðsending væntanleg föstudaginn 8. mars, önnur sending í næstu viku

6.3.2019

Vegna mislingatilfella síðustu daga hefur eftirspurn eftir bóluefni gegn mislingum, hettusótt og rauðum hundum aukist til muna. Lyfjastofnun hefur verið í sambandi við innflytjanda bóluefnisins og nú er ljóst að hraðsending er væntanleg nk. föstudag, 8. mars, og önnur sending strax í næstu viku.

Landlæknir er einnig í sambandi við innflytjandann og hefur fengið yfirsýn yfir dreifingu þess bóluefnis sem selt hefur verið. Þá má geta þess að bólusetningum er forgangsraðað undir yfirumsjón heilbrigðisyfirvalda; þeir sem eru í mestri áhættu ganga fyrir.

Um mislinga og bólusetningar – af vef landlæknis

Skráning á póstlista Lyfjastofnunar

Til baka Senda grein