Aðferðin sem notast á við er kölluð FAST-EU (Facilitating and Accelerating Strategic Trials) og er hluti af heildarátaki innan Evrópu sem miðar að því að styrkja klínískar rannsóknir á svæðinu.
FAST-EU nálgunin á klínískar rannsóknir kemur ekki til með að hafa áhrif á vísindalega öryggis- og siðferðisstaðla heldur er markmiðið að veita aukinn fyrirsjáanleika á tímaramma mats og leyfisveitinga, og efla traust styrktaraðila á evrópska eftirlitskerfinu með samhæfingu aðferða og metnaðarfullum tímalínum.
Ferlið er sett fram samhliða vinnu við væntanlega löggjöf Framkvæmdastjórnar ESB sem miðar að einföldun ferla fyrir fjölþjóðlegar klínískar rannsóknir. Búist er við að verkefnið hefjist í janúar 2026 og verði hluti af víðtækari viðleitni til að efla samstarf og traust milli lyfjayfirvalda á EES svæðinu með stuðningi Evrópusambandsins. Einnig hafa siðanefndir þátttökulandanna komið að þessari vinnu, og samþykki þeirra er hluti af ferlinu, sem hingað til hefur ekki verið raunin annars staðar í heiminum.
Verkefninu er meðal annars ætlað að sýna fram á getu aðildarríkjanna til samhæfingar og að gera heimsálfuna samkeppnishæfa þegar kemur að (fjölþjóðlegum) klínískum rannsóknum. Þannig megi tryggja að almenningur njóti fyrr ávinnings af vísindalegum framförum og nýjungum.