Þann 15. hvers mánaðar eða næsta virka dag á undan tekur Lyfjastofnun út lista af vef Sjúkratrygginga Íslands yfir þau lyf sem hafa verið skráð með birgðaskort lengur en 90 daga og verða þau lyf felld úr lyfjaskrá vegna birgðaskorts næstu mánaðarmót á eftir.
Dæmi: Listi tekinn út 15. nóvember og lyfin felld úr lyfjaverðskrá 30. nóvember.
Listar yfir þau lyf sem felld verða úr lyfjaverðskrá vegna birgðaskorts eru birtir mánaðarlega.
Umboðsmenn og tengiliðir eru beðnir um að skoða lyfjapakkningar í sinni umsýslu, en hægt er að óska eftir að pakkningarnar verði ekki felldar brott ef birgðir eru væntanlegar fyrir næstu mánaðamót. Slíka beiðni skal senda á netfangið [email protected].
Endurbirting í lyfjaverðskrá
Til þess að upplýsingar um lyf komist aftur í lyfjaverðskrá er nauðsynlegt að fylla út eyðublað og senda Lyfjastofnun.