Bréf til heilbrigðisstarfsmanna (DHPC)

Nýjar öryggisupplýsingar um lyf

Þegar mikilvægar upplýsingar um öryggi lyfja koma fram senda markaðsleyfishafar í samvinnu við Lyfjastofnun út bréf til heilbrigðisstarfsmanna (e. Direct Healthcare Professional Communication, DHPC).

Lyfjastofnun og Frumtök hafa í samvinnu látið hanna merki sem ætlað er til að auðkenna annars vegar fræðsluefni sem er forsenda markaðsleyfis ákveðinna lyfja, og hins vegar bréf til heilbrigðisstarfsmanna. Flestir markaðsleyfishafar lyfja sem eru markaðssett á Íslandi eru aðilar að samkomulaginu. Merkið hjálpar þannig heilbrigðisstarfsfólki að þekkja sendingar með mikilvægum öryggisupplýsingum frá auglýsinga- og kynningarefni markaðsleyfishafa.

Þegar fram koma nýjar upplýsingar um áhættu/öryggi lyfja sem talið er nauðsynlegt að miðla fljótt til heilbrigðisstarfsfólks senda markaðsleyfishafar út bréf til heilbrigðisstarfsmanna. Yfirleitt eru bréfin send út í kjölfarið á viðræðum milli evrópskra lyfjayfirvalda og markaðsleyfishafa, og þegar við á eru bréf send út samtímis í mörgum Evrópulöndum.

Metið er hverju sinni hvaða viðtakendur þurfa að fá bréfin og fer það eftir eðli umrædds lyfs og nýju upplýsinganna. Algengustu viðtakendurnir eru almennir læknar, sérfræðingar, apótek og sjúkrahúslyfjafræðingar .

Bréf til heilbrigðisstarfsmanna sem send hafa verið út frá byrjun ársins 2014 eru aðgengileg í töflunni hér fyrir neðan á PDF formi, ásamt viðhengjum þar sem við á.

*merkt lyf er ekki á markaði.