Meginregla lyfjalaga um lyfjaauglýsingar er sett fram í 1. mgr. 13. gr. lyfjalaga, nr. 93/1994, með síðari breytingum, og er hún sú að allar lyfjaauglýsingar eru bannaðar, nema í tilgreindum undantekningartilfellum. Í samræmi við hefðbundin lögskýringarsjónarmið ber að túlka slíkar undantekningar þrengjandi skýringu.
Um heimildir til auglýsingar á lyfjum er fjallað í VI. kafla lyfjalaga en þar að auki er í gildi reglugerð um lyfjaauglýsingar, nr. 980/2016, með síðari breytingum.
Lyfjastofnun hefur gefið út leiðarvísi um lyfjaauglýsingar.
Stjórnvaldsákvarðanir
Til að auka gagnsæi í starfsemi stofnunarinnar hefur Lyfjastofnun frá og með 1. janúar 2020 hafið birtingu stjórnvaldsákvarðana á vef sínum í tengslum við lyfjaauglýsingamál, s.s. bann við lyfjaauglýsingum eða áminningar sem stofnunin veitir.
Vakin er athygli á að birtingin mun bara taka til ákvarðana sem teknar eru frá og með fyrsta birtingardegi.