Lyfsala utan apóteka

Samkvæmt þriðju málsgrein 33. gr. nýrra lyfjalaga er Lyfjastofnun heimilt að veita undanþágu frá ákvæði 1. mgr. til sölu tiltekinna lausasölulyfja í almennri verslun. Slíkar undanþágur má aðeins veita þar sem ekki er starfrækt apótek eða lyfjaútibú.

Lyfjastofnun hefur skilgreint að til að heimilt sé að selja tiltekin lausasölulyf í almennri verslun, þurfi að vera a.m.k. 20 kílómetrar í næsta apótek eða lyfjaútibú. Þá hefur almenn verslun verið skilgreind á þann hátt að um alla aðra verslun en verslun á grundvelli lyfsöluleyfis sé að ræða.

Hvaða lyf er heimilt að selja?

Hér fyrir neðan er útlistað hvaða pakkningar, almennum verslunum sem hlotið hafa undanþágu frá ákvæðum lyfjalaga um lyfsölu, er heimilt að bjóða til sölu.

Starfsfólki almennra verslana er heimilt að afgreiða viðskiptavin um eina pakkningu lyfs af hverju virka innihaldsefni í hverri einstakri afgreiðslu. Í því felst að heimilt er að afgreiða tvær eða fleiri pakkningar lyfja með ólíku virku innihaldsefni.

Dæmi: heimilt er að afgreiða viðskiptavin um eina pakkningu af Histasíni og eina pakkningu af Íbúfeni en óheimilt er að afgreiða viðskiptavin um tvær pakkningar af Histasíni eða tvær pakkningar af Íbúfeni o.s.frv.

Virkt efni: Cetrizinum

Heiti lyfs	Lyfjaform	Styrkl.	Pakkningastærð	Umb.
Cetirizine Alvogen	Filmuh. tafla	10 mg	10 stk	Þynnup.
Histasín	Filmuh. tafla	10 mg	10 stk	Þynnup.
Zensitin	Filmuh. tafla	10 mg	10 stk	Þynnup.

Virkt efni: Ibuprofenum

Heiti lyfs	Lyfjaform	Styrkl.	Pakkningastærð	Umb.
Ibuprofen Bril	Filmuh. tafla	200 mg	20 stk	Þynnup.
Ibutrix	Mixt./dreifa	20 mg/ml	200 ml	Glas
Íbúfen	Filmuh. tafla	200 mg	20 stk	Þynnup.
Nurofen Junior Appelsín	Mixt./dreifa	40 mg/ml	100 ml	Glas
Nurofen Junior Jarðarber	Mixt./dreifa	40 mg/ml	100 ml	Glas

Virkt efni: Loratadinum

Heiti lyfs	Lyfjaform	Styrkl.	Pakkningastærð	Umb.
Lóritín	Tafla	10 mg	10 stk	Þynnup.

Virkt efni: Paracetamolum

Heiti lyfs	Lyfjaform	Styrkl.	Pakkningastærð	Umb.
Dolorin	Tafla	500 mg	20 stk	Þynnup.
Dolorin Junior	Endaþ.st.	125 mg	10 stk	Þynnup.
Dolorin Junior	Endaþ.st.	250 mg	10 stk	Þynnup.
Panodil	Filmuh. tafla	500 mg	20 stk	Þynnup.
Panodil Brus	Freyðitafla	500 mg	20 stk	Þynnup.
Panodil Hot	Mixt.d./lausn	500 mg	10 stk	Skammtap.
Panodil Junior	Mixt./dreifa	24 mg/ml	60 ml	Glas
Panodil Junior	Mixt./dreifa	24 mg/ml	100 ml	Glas
Panodil Junior	Endaþ.st.	125 mg	10 stk	Þynnup.
Panodil Zapp	Filmuh. tafla	500 mg	20 stk	Þynnup.
Paracet	Endaþ.st.	125 mg	10 stk	Þynnup.
Paracet	Endaþ.st.	60 mg	10 stk	Þynnup.
Paratabs	Filmuh. tafla	500 mg	20 stk	Þynnup.
Pinex	Endaþ.st.	500 mg	10 stk	Þynnup.
Pinex	Mixt./lausn	24 mg/ml	100 ml	Glas
Pinex Junior	Endaþ.st.	125 mg	10 stk	Þynnup.
Pinex Junior	Endaþ.st.	250 mg	10 stk	Þynnup.

Virkt efni: 2,4-tvíklórbensýlalkóhól og amýlmetakresól

Heiti lyfs	Lyfjaform	Styrkl.	Pakkningastærð	Umb.
Strepsils Cool	Munns.tafl.	1,2 og 0,6 mg	24 stk	Þynnup.
Strepsils Ingefær	Munns.tafl.	1,2 og 0,6 mg	24 stk	Þynnup.
Strepsils Jordbær Sukkerfri	Munns.tafl.	1,2 og 0,6 mg	24 stk	Þynnup.
Strepsils med Honning og Citron	Munns.tafl.	1,2 og 0,6 mg	24 stk	Þynnup.

Áætlað er að listinn verði endurskoðaður tvisvar á ári (vor/haust). Þegar verið er að meta hvaða lausasölulyf fer á listann þarf að horfa til ýmissa þátta eins og hvort veita þurfi ráðgjöf með lyfinu og hvort brýn þörf sé fyrir notkun lyfsins.

• Tæmandi listi yfir þau lyf, styrkleika og pakkningar sem heimilt er að selja samkvæmt ákvæðinu um sölu lyfja utan apóteka.
• Leiðbeiningar um meðferð og sölu lausasölulyfja í almennum verslunum.

Almennar verslanir með gilda undanþágu til sölu tiltekinna lausasölulyfja

Eftirlitsþegi	Gildistími	Heimilisfang	Póstnúmer	Staður
Baulan	7.9.2025	Baula	311	Borgarnesi (dreifbýli)
Bjarnabúð	21.11.2025	Brautarhóll	806	Selfossi (dreifbýli)
Búðin Borgarfirði	29.4.2024	Gamla Pósthúsinu	720	Borgarfirði eystri
Gullfosskaffi	11.8.2024	Við Gullfoss	806	Selfossi (dreifbýli)
Hálendismiðstöðin Hrauneyjar	11.8.2024	Sprengisandsleið	851	Hellu (dreifbýli)
Hríseyjarbúðin	24.3.2024	Norðurvegi 7-11	630	Hrísey
Kaffi Kjós	11.4.2026	Meðalfellsvegur 50	276	Mosfellsbær
Kaupfjelagið	17.8.2025	Sólvellir 25	760	Breiðdalsvík
Kjörbúðin Fáskrúðsfirði	29.4.2024	Skólavegi 56	750	Fáskrúðsfirði
Krambúðin á Flúðum	29.4.2024	Grund	845	Flúðum
Krambúðin á Laugarvatni	29.4.2024	Dalbraut 8	840	Laugarvatni
KS Hofsósi	28.6.2024	Suðurbraut 9	565	Hofsós
KS Ketilási	28.6.2024	Ketilás	570	Fljótum
N1 Staðarskála	28.6.2024		500	Stað
Olís Varmahlíð	16.7.2024	Varmahlíð	561	Varmahlíð
Reykhólabúðin	16.7.2024	Hellisbraut 72	380	Reykhólahreppur
Söluskálinn Freysnesi	8.7.2025	Skaftafelli 2, Freysnes	785	Öræfi

Listinn hér að ofan yfir almennar verslanir sem hafa heimild til sölu tiltekinna lausasölulyfja skv. fyrrnefndri undanþágu er tæmandi. Vakin er sérstök athygli á að þessi heimild nær einungis til lyfjakaupa tiltekinna lausasölulyfja.

Eyðublað til að sækja um undanþágu vegna lyfsölu utan apóteka.