Sérfræðingur: kerfis- og notendaþjónusta
Lyfjastofnun auglýsir laust starf sérfræðings í upplýsingatæknideild. Leitað er að öflugum einstaklingi sem reiðubúinn er að vinna fjölbreytt og krefjandi starf í litlu teymi kerfis- og notendaþjónustu. Um fullt starf er að ræða.
Helstu verkefni og ábyrgð
- Umsjón með þjónustuborði í beiðnakerfi upplýsingatæknideildar
- Þjónustar notendur í tengslum við tæknibúnað, aðgang að kerfum og önnur tæknileg mál
- Fræðsla og þjálfun varðandi upplýsingatæknimál
- Uppsetning og eftirlit með tæknibúnaði og kerfum ásamt úrlausn vandamála
- Umsjón með leyfismálum og aðgangi notenda í Active Directory (AD), Office 365 og öðrum kerfum
- Umsjón með rekstri upplýsingatæknikerfa stofnunarinnar
Menntunar og hæfniskröfur
- Menntun sem nýtist í starfi, t.d. á sviði kerfisstjórnunar
- Starfsreynsla sem nýtist í starfi
- Góð almenn tölvukunnátta og tæknifærni
- Góð þekking á Office 365 umhverfinu og Active Directory
- Góð þekking á öllum helsta notendabúnaði
- Gott vald á íslensku auk ensku í ræðu og riti
- Lipurð í mannlegum samskiptum, þjónustulund, jákvæðni, sveigjanleiki, nákvæm og sjálfstæð vinnubrögð
Umsóknarfrestur er til og með 5. ágúst 2021.
Umsókn óskast fyllt út á www.intellecta.is og þarf að fylgja starfsferilskrá og ítarlegt kynningarbréf þar sem gerð er grein fyrir ástæðu umsóknar og hæfni umsækjanda sem nýtist í starfi. Við hvetjum bæði konur og karla til að sækja um. Öllum umsóknum verður svarað að ráðningu lokinni. Umsóknir geta gilt í 6 mánuði frá lokum umsóknarfrests. Lyfjastofnun hefur hlotið jafnlaunavottun. Laun eru samkvæmt kjarasamningi fjármálaráðuneytis og hlutaðeigandi stéttarfélags.
Nánari upplýsingar veita Thelma Kristín Kvaran ([email protected]) og Hafdís Ósk Pétursdóttir ([email protected]) í síma 511 1225.