Lyfjaverðskrá

Skilyrði fyrir sölu lyfseðilsskyldra lyfja á Íslandi er m.a. að Lyfjastofnun hafi samþykkt hámarksverð í heildsölu og smásölu og að upplýsingar um lyfið séu birtar í lyfjaverðskrá. Óska þarf eftir birtingu með því að fylla út eyðublað.

Hægt er að sækja um birtingu nýrra lyfja og endurbirtingu fyrir lyfjaverðskrá sem tekur gildi 1. hvers mánaðar.

Lyfjaverðskrá er einnig gefin út 15. hvers mánaðar en í henni eru birt ný undanþágulyf til þess að koma í veg fyrir skort auk þess sem lyfjaverðskrárgengi er uppfært.

Helstu breytingar á lyfjaverðskránni eru teknar saman og birtar mánaðarlega.