Skordýrabit hafa verið nokkuð í umræðunni upp á síðkastið, einkum í tengslum við bit frá lúsmýi. Við óþægindum sem verða af völdum skordýrabita fást nokkur lyf í lausasölu í apótekum. Lausasölulyf eru lyf sem fást í apóteki án ávísunar læknis.
Sum lausasölulyf er heimilt að selja í almennum verslunum, þeim sem fengið hafa undanþágu frá Lyfjastofnun til sölu tiltekinna lausasölulyfja. Slíka undanþágu er heimilt að veita á stöðum þar sem ekki er starfrækt apótek eða lyfjaútibú.
Hægt er að leita ráða varðandi óþægindi sem verða af völdum skordýrabita hjá læknum og hjúkrunarfræðingum. Lyfjafræðingar og lyfjatæknar í apótekum geta sömuleiðis veitt ráðleggingar varðandi lausasölulyf.
Almennar upplýsingar og ráð við skordýrabiti, sem og öðru sumartengdu ofnæmi, má einnig finna í hlaðvarpi Lyfjastofnunar.
Staðdeyfandi
Lídókaín er staðdeyfilyf sem hamlar tímabundið útbreiðslu taugaboða. Það er fáanlegt í lausasölu í apótekum sem smyrsli og hlaup, en önnur lyfjaform lídókaíns eru lyfseðilsskyld.
Barksterar (kortikósteróíðar)
Hýdrókortisón er barksteralyf með væga verkun (barksteri er steri myndaður í nýrnahettuberki, eða skylt lyf) og er notað staðbundið útvortis til þess að draga úr bólgum, kláða og ofnæmiseinkennum. Lyfið er fáanlegt í lausasölu í apótekum.
Antihistamín
Antihistamín koma í veg fyrir verkun histamíns í líkamanum, en histamín er efnið sem kallar fram ofnæmisviðbrögð. Hægt er að kaupa slík lyf í lausasölu sem töflur. Athugið að ekki eru allar pakkningar lausasölupakkningar. Eftirtalin lyf eru fáanleg í lausasölu í apótekum. Sum þeirra má einnig selja í búðum með leyfi til sölu tiltekinna lausasölulyfja, t.d. lyf sem innihalda lóratadín, og sum þeirra lyfja sem innihalda cetirizín.
Töflur: