Ampicillin STADA, stungulyfs-/innrennslisstofn, lausn. Lyfið er fáanlegt í tveim styrkleikum, 1 g og 2 g. Hvert hettuglas inniheldur 1 g eða 2 g af ampicillíni. Lyfið er ætlað til meðferðar hjá fullorðnum við alvarlegum sýkingum af völdum baktería sem eru næmar fyrir ampicillíni. Markaðsleyfi lyfsins er veitt á þeim forsendum að hefð er fyrir notkun þess og er lyfið lyfseðilskylt.
Bupropion Teva, tafla með breyttan losunarhraða. Hver tafla inniheldur 300 mg af búprópíónhýdróklóríði. Lyfið er ætlað til meðferðar gegn alvarlegum þunglyndislotum. Lyfið er samheitalyf lyfsins Wellbutrin Retard og er lyfseðilsskylt.
Cloxacillin Vital Pharma Nordic, stungulyfs-/innrennslisstofn, lausn. Hvert hettuglas inniheldur kloxacillínnatríum sem jafngildir 2 g af kloxacillíni. Lyfið er ætlað til meðferðar á sýkingum af völdum stafýlókokka sem mynda penicillinasa. Lyfið er auk þess ætlað til meðferðar við eftirfarandi sýkingum eins og sýkingum í húð og mjúkvef, hjartaþelsbólgu, bein- og mergbólgu og blóðsýkingu. Markaðsleyfi lyfsins er veitt á þeim forsendum að hefð er fyrir notkun þess og er lyfið lyfseðilskylt.
Dexól, saft. Hver ml af safti inniheldur 3 mg af dextrómetorfan HBr einhýdrati. Lyfið er ætlað til meðferðar við einkennum hósta án uppgangs og er ætlað til notkunar hjá fullorðnum og börnum eldri en 6 ára. Markaðsleyfi lyfsins er veitt á þeim forsendum að hefð er fyrir notkun þess. Lyfið er fáanlegt í lausasölu. Afhenda má eitt glas – 3 mg/ml – 160 ml handa einstaklingum 18 ára og eldri.
Lenalidomide Mylan, hörð hylki. Lyfið er fáanlegt í fjórum mismunandi styrkleikum, 5 mg, 10 mg, 15 mg og 25 mg. Hvert hylki inniheldur samsvarandi magn af lenalídómíði. Lyfið er ætlað til meðferðar við mismunandi illkynja sjúkdómum svo sem mergæxli, klofasmáfrumueitilæxli, eitilbúaeitliæxli og heilkenni mergmisþroska. Ávísun lyfsins er bundin við sérfræðinga í blóðsjúkdómum. Lyfið er samheitalyf lyfsins Revlimid og er lyfseðilsskylt.
Lokelma, Mixtúruduft, dreifa. Lyfið er fáanlegt í tveim stykleikum, 5 g og 10 g. Hver poki inniheldur samsvarandi magn af natríum zirconium cyclosilicat. Auk þess inniheldur 5 g poki 400 mg af natríum og 10 g poki inniheldur 800 mg af natríum. Lyfið er ætlað til meðferðar á blóðkalíumhækkun hjá fullorðnum sjúklingum. Lyfið er undir sérstöku eftirliti til að nýjar upplýsingar um öryggi lyfsins komist fljótt og örugglega til skila. Heilbrigðisstarfsmenn eru hvattir til að tilkynna allar aukaverkanir sem grunur er um að tengist lyfinu. Lyfið er frumlyf og er lyfseðilsskylt.
Reagila, hart hylki. Lyfið er fáanlegt í fjórum mismunandi styrkleikum, 1,5 mg, 3 mg, 4,5 mg og 6 mg. Hvert hylki inniheldur cariprazínhýdróklóríð sem jafngildir samsvarandi magni af cariprazíni. Lyfið er ætlað til meðferðar við geðklofa hjá fullorðnum sjúklingum. Lyfið er frumlyf og er lyfseðilsskylt.
Trimbow, innúðalyf, lausn. Hver gefinn skammtur inniheldur 87 míkrógrömm af beklómetason díprópíónati, 5 míkrógrömm af formóteról fúmarat díhýdrati og 9 míkrógrömm af glýkópýrróníum. Lyfið er ætlað sem viðhaldsmeðferð hjá fullorðnum einstaklinum með í meðallagi alvarlega eða alvarlega langvinna lungnateppu sem ekki tekst að meðhöndla á fullnægjandi hátt. Einnig er lyfið ætlað sem viðhaldsmeðferð við astma hjá fullorðnum einstaklingum sem ekki hefur náðst fullnægjandi stjórn á. Lyfið er samsett lyf og er lyfseðilsskylt.