Drög að nýjum íslenskum þýðingum á staðalheitum fyrir lyfjaform/íkomuleiðir lyfja sem evrópska lyfjaskráin (EDQM) hefur samþykkt, liggja nú fyrir. Um er að ræða 30 ný staðalheiti. Í allmörgum tilfellum eru þetta ný samsett staðalheiti (combined terms) þar sem skeytt er saman tveimur eða fleiri áður samþykktum þýðingum lyfjaforma/umbúða. Einnig eru lagðar til tvær lagfæringar á áður birtum staðalheitum.
Hægt er að senda athugasemdir
Áður en staðalheiti verða samþykkt og send EDQM til birtingar er hagsmunaaðilum boðið að senda Lyfjastofnun athugasemdir við þýðingarnar á meðfylgjandi skjali. Athugasemdir ásamt greinargóðum útskýringum, og ef við á nýjum tillögum að þýðingum, leiðréttingum eða ábendingum skulu sendar í því skjali sem er til umsagnar, þ.e. dálkinn lengst til hægri, og berast á netfangið [email protected] auðkennt „Athugasemdir við staðalheiti M-2024-01-0456“, eigi síðar en 15. febrúar n.k.
Athugið að útskýra vel athugasemdir svo ekki fari á milli mála við hvað er átt og af hverju athugasemdin er gerð.