26. september 2023
Skráða lyfið Elvanse Adult 50 mg er nú fáanlegt aftur.
Elvanse Adult er væntanlegt í 20 mg, 40 mg og 60 mg styrkleika í næstu viku. Aðrir styrkleikar eru væntanlegir um mánaðarmót október/nóvember. Samheitalyfið Volidax er einnig væntanlegt um mánaðarmótin október/nóvember.
6. september 2023 - Uppfært
Undanþágulyfin Elvanse Adult 30 mg 28 stk. (vnr. 994691) og Elvanse Adult 50 mg 28 stk. (vnr. 994683) eru nú einnig uppseld hjá heildsölunni Parlogis.
6. september 2023
Undanþágulyfin Elvanse 30 mg (vnr. 994641) og Elvanse 50 mg (vnr. 994659) sem dreift var af Parlogis komu í sölu í byrjun vikunnar en seldust upp hjá heildsölu samdægurs. Undanþágulyfið Elvanse 50 mg (vnr. 994287) sem dreift verður af Distica er væntanlegt í vikulok.
Einnig eru væntanleg ný undanþágulyf hjá heildsölunni Parlogis, Elvanse Adult 30 mg 28 stk. (vnr. 994691) og Elvanse Adult 50 mg 28 stk. (vnr. 994683). Lyfjafræðingum hefur einnig verið veitt heimild til þess að breyta ávísun læknis fyrir skráð lyf í ofangreind undanþágulyf og má sjá frekari upplýsingar um lyfin í uppfærðri færslu frá 1. september.
1. september 2023
Skráðu lyfin Elvanse Adult og Volidax eru ófáanleg í 30 mg og 50 mg styrkleikum. Undanþágulyf eru væntanleg í sölu í næstu viku.
Elvanse Adult og Volidax 30 mg:
Vegna skorts á skráðu lyfjunum heimilar Lyfjastofnun, með vísan í 52. gr. lyfjalaga nr. 100/2020, lyfjafræðingum í lyfjabúðum að breyta lyfjaávísun læknis fyrir Elvanse Adult og Volidax 30 mg í eftirfarandi undanþágulyf, í sambærilegu magni og lyfjaávísun hljóðar upp á:
- Vnr. 994641 Elvanse 30 mg 30 stk.
- Vnr. 994691 Elvanse Adult 30 mg 28 stk.
Heimild til að breyta lyfjaávísun fyrir Elvanse Adult 30 mg og Volidax 30 mg yfir í undanþágulyfið Elvanse 30 mg og Elvanse Adult 30 mg gildir til 10. október 2023.
Undanþágulyfið Elvanse 30 mg (vnr. 994641) er í svissneskum umbúðum og er markaðsleyfishafi lyfsins Takeda Pharma AG. Heildsalan Parlogis sér um dreifingu á lyfinu.
Undanþágulyfið Elvanse Adult 30 mg (vnr. 994691) er í breskum umbúðum og er markaðsleyfishafi lyfsins Takeda UK Limited. Heildsalan Parlogis sér um dreifingu á lyfinu.
Elvanse Adult og Volidax 50 mg:
Lyfjastofnun heimilar, með vísan í 52. gr. lyfjalaga nr. 100/2020, lyfjafræðingum í lyfjabúðum að breyta lyfjaávísun læknis fyrir Elvanse Adult og Volidax 50 mg í eftirfarandi undanþágulyf, í sambærilegu magni og lyfjaávísun hljóðar upp á:
- Vnr. 994659 Elvanse 50 mg 30 stk.
- Vnr. 994287 Elvanse 50 mg 30 stk.
- Vnr. 994683 Elvanse Adult 50 mg 28 stk.
Heimild til að breyta lyfjaávísun fyrir Elvanse Adult 30 mg og Volidax 30 mg yfir í undanþágulyfið Elvanse 30 mg og Elvanse Adult 30 mg gildir til 22. september 2023.
Undanþágulyfið Elvanse 50 mg vnr. 994659, sem dreift er af heildsölunni Parlogis, er í svissneskum umbúðum og markaðsleyfishafi lyfsins er Takeda Pharma AG.
Elvanse 50 mg vnr. 994287, sem dreift er af heildsölunni Distica, er í dönskum umbúðum og markaðsleyfishafi lyfsins er Takeda Pharmaceuticals International AG Ireland Branch.
Elvanse Adult 50 mg vnr. 994683 er í breskum umbúðum og markaðsleyfishafi lyfsins er Takeda UK Limited. Lyfinu er dreift af heildsölunni Parlogis.
Lyfjafræðingar skulu upplýsa lyfjanotendur um að lyfin hafi ekki íslenskt markaðsleyfi þegar þeir nýta þessa heimild, ásamt því að gera grein fyrir mögulegum aukaverkunum og öðrum upplýsingum sem kunna að vera nauðsynlegar við notkun lyfjanna.
21. ágúst 2023
Verið er að reyna að útvega undanþágulyf og er áætlað að það komi í sölu í kringum mánaðarmót.
Sjá einnig: Vegna skorts á Elvanse Adult
15. ágúst 2023
Skráða lyfið Volidax er nú einnig ófáanlegt. Lyfið er væntanlegt aftur í kringum mánaðarmót október/nóvember nk.
02. ágúst 2023
Samheitalyfið Volidax er komið í sölu.
01. ágúst 2023
Áætlaður komutími fyrir Elvanse Adult 30 mg er um miðjan október og 50 mg er væntanlegt eftir miðjan september.
Nýtt samheitalyf Volidax 30 mg, 50 mg og 70 mg hart hylki er komið til landsins og er áætlað að það fari í sölu á næstu dögum.