17. apríl 2024
Öll markaðssett lyf sem innihalda flúoxetín eru ófáanleg.
Undanþágulyfið Fluoxetina Farmoz 20 mg hylki 60 stk. (vnr. 996788) hefur verið útvegað.
Vegna skorts á markaðssettum lyfjum heimilar Lyfjastofnun, með vísan í 52. gr. lyfjalaga nr. 100/2020, lyfjafræðingum í lyfjabúðum að breyta lyfjaávísun læknis fyrir Fluoxetin WH 20 mg hylki, Fluoxetine Vitabalans 20 mg hylki og Fluoxetin Viatris 20 mg hylki í eftirfarandi undanþágulyf, í sambærilegu magni og lyfjaávísun hljóðar upp á:
Vnr. 996788 Fluoxetina Farmoz 20 mg hylki 60 stk.
Heimild til að breyta lyfjaávísun fyrir ofangreind markaðssett lyf yfir í undanþágulyfið Fluoxetina Farmoz gildir til 26. apríl 2024.
Undanþágulyfið er í portúgölskum umbúðum og er markaðsleyfishafi lyfsins FARMOZ – Sociedade Técnico Medicinal, S.A. Heildsalan Parlogis sér um dreifingu á lyfinu.
Lyfjafræðingar skulu upplýsa lyfjanotendur um að lyfið hafi ekki íslenskt markaðsleyfi þegar þeir nýta þessa heimild, ásamt því að gera grein fyrir mögulegum aukaverkunum og öðrum upplýsingum sem kunna að vera nauðsynlegar við notkun lyfsins.