25. ágúst 2023
Skráða lyfið Methotrexate Pfizer 2,5 mg 100 stk. er ófáanlegt hjá heildsölu.
Undanþágulyfið Methotrexate 2,5 mg 100 stk. (vnr. 994162) er fáanlegt hjá heildsölu.
Vegna skorts á skráða lyfinu heimilar Lyfjastofnun, með vísan í 52. gr. lyfjalaga nr. 100/2020, lyfjafræðingum í lyfjabúðum að breyta lyfjaávísun læknis fyrir Methotrexate Pfizer í eftirfarandi undanþágulyf, í sambærilegu magni og lyfjaávísun hljóðar upp á:
Vnr. 994188 Methotrexate 2,5 mg 100 stk.
Heimild til að breyta lyfjaávísun fyrir Methotrexate Pfizer yfir í undanþágulyfið Methotrexate gildir til 2. október 2023.
Um tvö mismundandi undanþágulyf er að ræða. Undanþágulyfin eru bæði í breskum umbúðum og eru markaðsleyfishafar lyfjanna annars vegar Orion Corporation og hins vegar Cipla (EU) Limited. Heildsalan Parlogis sér um dreifingu á lyfjunum.
Lyfjafræðingar skulu upplýsa lyfjanotendur um að lyfið hafi ekki íslenskt markaðsleyfi þegar þeir nýta þessa heimild, ásamt því að gera grein fyrir mögulegum aukaverkunum og öðrum upplýsingum sem kunna að vera nauðsynlegar við notkun lyfsins.