22. desember 2021
Skráða lyfið Wellbutrin Retard 150 mg er væntanlegt aftur í sölu 28. desember nk.
7. desember 2021
Undanþágulyfið Wellbutrin XR 150 mg (vnr. 988438) er nú fáanlegt hjá heildsölunni Parlogis.
Vegna skorts á skráðu lyfjunum Wellbutrin Retard og Wellbutrin Retard (Lyfjaver) 150 mg töflum heimilar Lyfjastofnun með vísan í 52. gr. lyfjalaga nr. 100/2020 lyfjafræðingum í lyfjabúðum að breyta lyfjaávísun læknis fyrir Wellbutrin Retard eða Wellbutrin Retard (Lyfjaver) í eftirfarandi undanþágulyf, í sambærilegu magni og lyfjaávísun hljóðar upp á:
- Vnr. 988438 Wellbutrin XR 150 mg 30 stk.
Heimild til að breyta lyfjaávísun fyrir Wellbutrin Retard eða Wellbutrin Retard (Lyfjaver) yfir í Wellbutrin XR gildir til 10. janúar 2022.
Tilmæli eru til lyfjafræðinga að upplýsa lyfjanotendur um að lyfið hafi ekki íslenskt markaðsleyfi þegar þeir nýta þessa heimild, ásamt því að gera grein fyrir mögulegum aukaverkunum og öðrum upplýsingum sem kunna að vera nauðsynlegar við notkun lyfsins.
Undanþágulyfið er í þýskum umbúðum og er markaðsleyfishafi lyfsins GSK. Heildsalan Parlogis sér um dreifingu á lyfinu.
2. desember 2021
Lyfið Wellbutrin Retard 150 mg er nú ófáanlegt hjá heildsölu. Lyfið er væntanlegt aftur þann 26. janúar 2022. Verið er að vinna í að útvega undanþágulyf sem vonandi kemur til landsins í næstu viku (6.-10. desember). Fréttin verður uppfærð.
Ráð til lækna og lyfjafræðinga:
Verið er að útvega undanþágulyf til þess að bregðast við skortinum. Fréttin verður uppfærð þegar nánari upplýsingar liggja fyrir.
Ráð til lyfjanotenda:
Ef nauðsynlegt reynist að stöðva eða skipta um meðferð skal það alltaf gert í samráði við lækni.