Fréttir

Forstjóri Lyfjastofnunar formaður vinnuhóps HMA

HMA eru samtök forstjóra lyfjastofnana EES ríkja

25.9.2019

Samtök forstjóra lyfjastofnana EES ríkjanna (HMA) taka þátt í að móta lagaumhverfi lyfjamála í Evrópu ásamt Lyfjastofnun Evrópu og Framkvæmdastjórn ESB. Ýmsir vinnuhópar starfa á vegum samtakanna, þar á meðal Regulatory Optimisation Group (ROG), hópur sem vinnur að því að yfirfara og leggja til úrbætur á gildandi lagaumhverfi, í því skyni m.a. að gera það skýrara og skilvirkara. ROG er þverfaglegur hópur þar sem saman vinna m.a. sérfræðingar á sviði laga, viðskipta og tölvumála og fjallað er bæði um manna- og dýralyf.

Í síðustu viku var forstjóri Lyfjastofnunar, Rúna Hauksdóttir Hvannberg, kosin formaður ROG þegar hópurinn kom saman í tengslum við reglubundinn fund HMA sem að þessu sinni fór fram í Helsinki. 

Runa-rogFrá vinstri: Rúna Hauksdóttir Hvannberg, forstjóri Lyfjastofnunar og nýr formaður ROG, Hugo Hurts, forstjóri hollensku Lyfjastofnunarinnar og tengiliður við HMA, Zaide Frias, deildarstjóri matsdeildar mannalyfja hjá Lyfjastofnun Evrópu og nýr varaformaður ROG. 

Til baka Senda grein