Fréttir

Nýtt frá CHMP – júní

Mælt með þremur lyfjum, eitt lyf fékk neikvæða umsögn

28.6.2019

Sérfræðinganefnd Lyfjastofnunar Evrópu um lyf fyrir menn (CHMP) kom saman dagana 24.-27. júní sl. Mælt var með að þremur lyfjum yrði veitt markaðsleyfi, Giapreza til að meðhöndla lágþrýsting sem svarar illa meðferð í fullorðnum einstaklingum með sýklalost eða losti að völdum lélegs blóðflæðis (e.distributive shock), krabbameinslyfinu Azacitidine Celgene, og flogaveikilyfinu Lacosamide UCB. Eitt lyf fékk neikvæða umsögn, Evenity, sem ætlað er að meðhöndla beinþynningu.

Þá var aukið við ábendingar nokkurra lyfja, þeirra á meðal Victoza, sem nú er viðurkennt sem lyf handa börnum og unglingum eldri en tíu ára með sykursýki tvö.

Frétt EMA um CHMP fund í júní

Dagskrá CHMP fundar í júní

Til baka Senda grein