Fréttir

Nýtt frá PRAC – apríl 2019

MS lyfið Lemtrada og krem með háum styrk af estradíóli til skoðunar

12.4.2019

Sérfræðinefnd EMA um eftirlit með ávinningi og áhættu lyfja (PRAC) kom saman dagana 8.-11. apríl sl. Hafin var vinna við mat á MS lyfinu Lemtrada, og estradíól-kremum þar sem estradíól er í háum styrk.

Lemtrada

Nýjar upplýsingar um tilvik í tengslum við Lemtrada gera að verkum að PRAC leggur til að ekki skuli hefja meðferð með Lemtrada nema undir sérstökum kringumstæðum. Tilvikin sem um ræðir birtast annars vegar á þann hátt að ónæmiskerfið starfar ekki sem skyldi, hins vegar sem vandamál tengd hjarta og æðakerfi. Lemtrada, þar sem virka efnið er alemtuzumab, er ekki á markaði á Íslandi.

Estradíól

Þá er hafin athugun á estradíól-kremum með háum styrk estradíóls en þau eru gefin konum vegna þurrks í leggöngum eftir breytingaskeiðið. PRAC mun taka til athugunar hvort upptaka estradíóls verði of mikil við notkun þessara krema, sem geti þá valdið blóðtappa, heilablóðfalli og krabbameini í slímhúð legsins. Þessi lyf eru ekki á markaði á Íslandi.

Sjá nánar í frétt EMA

Dagskrá PRAC fundar í apríl

Til baka Senda grein