Bólusetning gegn árlegri inflúensu mun hefjast á hefðbundnum tíma hérlendis en búist er við að bólusetning forgangshópa geti hafist um allt land í byrjun október. Þetta kemur fram í tilkynningu landlæknisembættisins.
Allar ákvarðanir um framkvæmd og fyrirkomulag bólusetninga er í höndum sóttvarnalæknis sem hefur mælst til að ákveðnir áhættuhópar njóti forgangs við inflúensubólusetningu:
- Allir einstaklingar 60 ára og eldri.
- Öll börn fædd 1.1.2021 - 30.6.2025, sem hafa náð 6 mánaða aldri þegar bólusett er.
- Öll börn og fullorðnir sem þjást af langvinnum hjarta-, lungna-, nýrna- og lifrarsjúkdómum, offitu, sykursýki, illkynja sjúkdómum og öðrum ónæmisbælandi sjúkdómum.
- Barnshafandi konur.
- Heilbrigðisstarfsmenn sem annast einstaklinga í áhættuhópum sem taldir eru upp hér að ofan.
- Fólk í starfstengdri áhættu vegna samsmits árlegrar inflúensu og fuglainflúensu
Upplýsingar um bóluefnið sem bólusett verður með
Veturinn 2025-2026 verður notast við Vaxigrip til bólusetningar gegn árlegri inflúensu skv. ákvörðun sóttvarnalæknis. Sóttvarnalæknir hefur gert samning við Vistor um kaup á 90.000 skömmtum fyrir veturinn. Vaxigrip er eitt af þremur inflúensubóluefnum sem eru á markaði á Íslandi, hin eru Influvactetra og VaxigripTetra.
Veirustofnar í Vaxigrip
- A/Victoria/4897/2022 (H1N1) pdm09 - líkur stofn
- A/Darwin/9/2021 (H3N2) - líkur stofn
- B/Austria/1359417/2021 - líkur stofn
| Fullt heiti | Vaxigrip 15 míkróg Stungulyf, dreifa í áfylltri sprautu |
| ATC flokkur | J07BB02 |
| Innihaldsefni | Inflúensuveira (deydd, klofin) |
| Lyfjaform | Stungulyf, dreifa í áfylltri sprautu |
| Íkomuleið | Til notkunar í vöðva |
| Aldurshópur | Frá 6 mánaða aldri |
Bóluefnið er ræktað í frjóvguðum hænueggjum úr heilbrigðum hænsnahópum
Skammtar bóluefnisins
Vaxigrip
| Fullorðnir | Einn 0,5 ml skammtur |
| Börn 6 mánaða til 17 ára að aldri | Einn 0,5 ml skammtur |
| Börn yngri en 9 ára að aldri, sem ekki hafa verið bólusett áður | Gefa annan 0,5 ml skammt eftir 4 vikur |
Nánari upplýsingar um Vaxigrip fyrir bólusetta er að finna í fylgiseðli og upplýsingar fyrir heilbrigðisstarfsfólk er að finna í samantekt á eiginleikum lyfsins.