Fréttir

Bréf til heilbrigðisstarfsmanna (DHPC) – Elmiron (pentósanpólýsúlfatnatríum), lyfið er ekki markaðssett á Íslandi

Hætta á lituðum sjónudepilskvilla (e. pigmentary maculopathy)

12.7.2019

Markaðsleyfishafi lyfsins Bene Artzneimittel GmbH hefur í samráði við Lyfjastofnun Evrópu og Lyfjastofnun sent bréf til heilbrigðisstarfsmanna til þess að koma á framfæri nýjum öryggisupplýsingum um lyfið. Lyfið er ekki á markaði á Íslandi en er engu að síður notað hér á landi gegn undanþágu.

Í mjög sjaldgæfum tilvikum hefur verið tilkynnt um litaðan sjónudepilskvilla við notkun pentósanpólýsúlfatnatríums, einkum eftir langvarandi notkun.

Meðan á meðferð stendur skulu sjúklingar fara reglulega í augnskoðun til að hægt sé að greina litaðan sjónudepilskvilla snemma, einkum þeir sem hafa notað lyfið til lengri tíma.

Ráðleggja skal sjúklingum að leita tafarlaust til læknis ef breytingar á sjón koma fram eins og erfiðleikar við lestur og hæg aðlögun að umhverfi með takmörkuðu eða skertu ljósi.

Nánari upplýsingar er að finna í bréfinu, og að auki má finna ítarlegar upplýsingar um Elmiron á vefsíðu Lyfjastofnunar Evrópu.

Yfirlit yfir bréf til heilbrigðisstarfsmanna.

Til baka Senda grein