Tölvupóstsendingum hætt
Í fyrsta lagi hefur verið tekin ákvörðun um að hætta að senda tölvupóst til hagsmunaaðila í kjölfar birtinga á birgðaskortslista 15. hvers mánaðar á vef Lyfjastofnunar. Listinn segir til um hvaða lyfjapakkningar verði felldar úr lyfjaverðskrá næsta mánaðar.
Umboðsmenn lyfja og markaðsleyfishafar eru hvattir til að fylgjast með fréttum á vef Lyfjastofnunar. Einnig er hægt að gerast áskrifandi að fréttum stofnunarinnar með því að skrá sig á póstlista, neðst á forsíðu vefsins.
Tímalínur beiðna um að fella ekki út lyfjapakkningar úr verðskrá
Í öðru lagi verða beiðnir um að fella ekki út lyfjapakkningar úr verðskrá, sem væntanlegar eru fyrir næstu mánaðarmót, að berast Lyfjastofnun í síðasta lagi fjórum virkum dögum fyrir gildistöku lyfjaverðskrár sem er fyrsta hvers mánaðar. Slík beiðni skal send á netfangid [email protected].
Verklagsreglur á vef stofnunarinnar hafa verið uppfærðar með breytingunum.