Sérfræðinganefnd Lyfjastofnunar Evrópu um lyf fyrir menn (CHMP) hefur mælst til þess að skilyrði fyrir notkun remdesivírs af mannúðarástæðum verði víðtækari þannig að fleiri sjúklingar með alvarlegan COVID-19 sjúkdóm geti hlotið meðferð. Þessi nýju tilmæli byggja á bráðabirgðaniðurstöðum NIAID-ACTT rannsóknarinnar sem benda til ávinnings af notkun lyfsins hjá sjúklingum sem eru á sjúkrahúsi vegna alvarlegs COVID-19 sjúkdóms. Lyfjastofnun Evrópu (EMA) metur nú um stundir gögn rannsóknarinnar í sérstöku flýtimati á lyfinu sem áður hefur verið greint frá.
Frekari upplýsingar um málið má finna í samantekt um notkun remdesivírs af mannúðarástæðum og skilyrðum fyrir slíkri notkun.