Lyfjastofnun vinnur hörðum höndum að því að tryggja lyfjabirgðir á landinu nú um stundir. Sú vinna gengur vel og er Lyfjastofnun þakklát þeim ótalmörgu sem lagt hafa hönd á plóg í þeirri vinnu um land allt.
Það er þó þannig að gjörðir almennings hafa mest um það að segja hvort lyfjabirgðir hérlendis verði í hættu meðan COVID-19 gengur yfir. Ef sjúklingar og almenningur kaupa lyf í óhófi getur það leitt til tímabundins lyfjaskorts hjá öðrum einstaklingum með ófyrirséðum afleiðingum. Látum það ekki gerast. Stöndum saman. Ekki hamstra lyf!