Frétt á vef embættis landlæknis segir að breytingin muni taka gildi kringum mánaðarmótin júní – júlí.
Í tilkynningunni kemur fram að Þjóðskrá Íslands hafi sl. vor hafið miðlun upplýsinga um forsjá og vensl á rafrænan hátt.
Það verði til þess að hætt verði að nota svokölluð fjölskyldunúmer og lögheimili til þess að tengja börn við foreldra. Þess í stað verður byrjað að nota rafrænu upplýsingaskránna um forsjá og vensl. Báðir forsjáraðilar munu þá sjálfkrafa fá aðgang að Heilsuveru síns barns. Eftir breytinguna geta eingöngu forsjárforeldrar sótt lyf barns í lyfjabúðir, aðrir munu þurfa þar til gert rafrænt umboð.