Lyfjastofnun hefur gengið til liðs við Alþjóðasamband lyfjastofnana (e. International Coalition of Medicines Regulatory Authorities; ICMRA). Tilgangur bandalagsins er að stuðla að aukinni lýðheilsu með marksækinni stjórnun og samstarfi lyfjastofnana.
Starfsemi bandalagsins er fjölþætt en sérstök áhersluatriði eru sýklalyfjaónæmi, samskiptamál, lyfjaskortur, nýsköpun, lyfjagát, viðbrögð við mögulegri heilsuvá almennings og áreiðanleiki aðfangakeðja lyfja.