Markmiðið með námskeiðunum er að efla tengsl lyfjayfirvalda og sérfræðinga til að styrkja matsferli krabbameinslyfja. Um tilraunaverkefni er að ræða en námskeiðin fara fram á vefnum, bæði með beinum útsendingum og uppteknu efni. Verkefninu var hleypt af stokkunum í maí síðastliðnum en námskeiðin hefjast formlega í haust. Annars vegar verður farið í almenn atriði þess hvernig lyf fyrir menn eru metin áður en til markaðsleyfis kemur, hins vegar það sem snýr að krabbameinslyfjum sérstaklega. -Síðar verður þetta verkefni hugsanlega yfirfært á önnur sérfræðisvið.
Þátttakendur þurfa að hafa reynslu af vísindavinnu tengdri krabbameinum, krabbameinslækningum, eða blóðmeinafræði. Þekking á reglugerðum um lyfjamál er ekki skilyrði.
Hægt er að sækja um á sérstöku skráningarformi á vefnum þar sem aðeins er óskað eftir grunnuplýsingum.
Námskeiðin eru þátttakendum að kostnaðarlausu.