Frumlyf
Nefndin mælti með útgáfu markaðsleyfis fyrir lyfið Copiktra (duvelisib). Er það til meðferðar sjúklinga með tilteknar tegundir eitilfrumuhvítblæðis (e. relapsed or refractory chronic lymphocytic leukaemia / CLL) og eitilfrumukrabbameins (e. refractory follicular lymphoma / FL).
Lyfið Ponvory (ponesimod) hlaut jákvæða umsögn nefndarinnnar til meðferðar virks heila- og mænusiggs með hléum (e. active relapsing forms of multiple sclerosis).
Lyfin Drovelis og Lydisilka, sem bæði innihalda estetról og dróspírenón, hlutu jákvæða umsögn sem getnaðarvörn til inntöku.
Blendingslyf
CHMP mælti með að blendingslyfið (e. hybrid medicine) Efmody (hýdrókortisón) hljóti markaðsleyfi til meðferðar meðfæddrar nýrnahettustækkunar (e. congenital adrenal hyperplasia / CAH).
Viðbótarábendingar
Mælt var með viðbótarábendingum fyrir sex lyf; Benlysta, Kaftrio, Kalydeco, Saxenda, Tecentriq and Xtandi.
COVID-19: Niðurstaða mats á notkun regdanvimab
CHMP komst að þeirri niðurstöðu að nota mætti einstofna mótefnið regdanvimab til meðferðar staðfests COVID-19 sjúkdóms hjá fullorðnum sjúklingum sem ekki þurfa súrefnisgjöf en eru í mikilli hættu á að veikjast alvarlega. Lyfið er ekki með markaðsleyfi á EES-svæðinu en samevrópskt vísindalegt mat CHMP kemur til með að auðvelda ákvörðunartöku um notkun lyfsins í löndunum.