Lyfjastofnun auglýsir laust starf eftirlitsmanns. Leitað er að öflugum einstaklingi sem er reiðubúinn að vinna krefjandi og áhugavert starf sem felur m.a. í sér ferðir innanlands sem og erlendis á vegum stofnunarinnar. Starfshlutfall er 100%.
Helstu verkefni eru á sviði eftirlits bæði með lyfjaframleiðendum og lyfjaheildsölum og einnig með markaðsleyfishöfum, þ.m.t. lyfjagátarkerfum.
Leitað er að einstaklingi með menntun og þekkingu sem nýtist í starfi s.s. lyfjafræði, lífefnafræði eða líffræði og reynslu á sviði lyfjaframleiðslu og/eða lyfjadreifingar.
Umsóknarfrestur er til og með 25. september 2017.
Ítarlegri upplýsingar um starfið er að finna í auglýsingu starfsins undir Störf í boði.