Um miðjan mars veitti Lyfjastofnun lyfjafræðingum í lyfjabúðum tímabundna heimild til að afhenda sjúklingum með COVID-19 Parkódín án lyfjaávísunar. Um var að ræða eina 10 stykkja pakkningu af lyfinu í styrkleikanum 500 mg/10 mg. Frá þessu var sagt í frétt á vef stofnunarinnar.
Frá og með deginum í dag er undanþágan fallin úr gildi og því þarf sem áður fyrr að framvísa lyfjaávísun fyrir alla styrkleika lyfsins.