29. apríl 2024
Með vísan í 52. gr. lyfjalaga nr. 100/2020, framlengir Lyfjastofnun heimild lyfjafræðinga í lyfjabúðum að breyta lyfjaávísun læknis fyrir skráða lyfið Keflex töflur í undanþágulyfið Cefalexin W&H til 4. júní 2024.
27. mars 2024
Með vísan í 52. gr. lyfjalaga nr. 100/2020, framlengir Lyfjastofnun heimild lyfjafræðinga í lyfjabúðum að breyta lyfjaávísun læknis fyrir skráða lyfið Keflex töflur í undanþágulyfið Cefalexin W&H til 30. apríl 2024.
1. mars 2024
Báðar pakkningastærðir af skráða lyfinu, Keflex 500 mg tafla, eru nú ófáanlegar hjá heildsala. Vegna skorts á skráða lyfinu heimilar Lyfjastofnun, með vísan í 52. gr. lyfjalaga nr. 100/2020, lyfjafræðingum í lyfjabúðum að breyta lyfjaávísun læknis fyrir Keflex 500 mg 20 stk. eða 40 stk. pakkningu í eftirfarandi undanþágulyf, í sambærilegu magni og lyfjaávísun hljóðar upp á:
Cefalexin W&H 500 mg hylki 28 stk vnr. 995003
Heimild til að breyta lyfjaávísun fyrir Keflex í Cefalexin W&H gildir til 1.apríl 2024.
Undanþágulyfið er í spænskum umbúðum og markaðsleyfishafi lyfsins er Laboratorios Normon S.A. Heildsalan Parlogis sér um dreifingu á lyfinu. Lyfjafræðingar skulu upplýsa lyfjanotendur um að lyfið hafi ekki íslenskt markaðsleyfi og sé í erlendum pakkningum þegar þeir nýta þessa heimild, ásamt því að gera grein fyrir mögulegum aukaverkunum og öðrum upplýsingum sem kunna að vera nauðsynlegar við notkun lyfsins.