Lyfjastofnun vekur athygli aðila sem selja og nota fíkniefnapróf til greiningar á Spice/K2 efnum í þvagi á að áreiðanleiki slíkra prófa geti verið mjög breytilegur útfrá þeim samsetningum af Spice efnum sem eru í sölu á svörtum markaði hverju sinni.
Þar af leiðandi er erfitt að tryggja áreiðanleika slíkra greiningaprófa út frá þeirri staðreynd að Spice/K2 er samheiti margra ólíkra efnasambanda og þau efni sem í umferð eru taka reglulegum breytingum.
Notendur greiningaprófa eru hvattir til að kynna sér gaumgæfilega þær notkunarleiðbeiningar sem fylgja en slíkum prófum eiga að fylgja íslenskar upplýsingar.