Við gildistöku lyfjalaga nr. 100/2020 tók Lyfjastofnun við hlutverki lyfjagreiðslunefndar við að ákvarða hámarksverð í heildsölu og smásölu á ávísunarskyldum lyfjum, öllum dýralyfjum, greiðsluþátttöku lyfja, leyfisskyldu og útgáfu lyfjaverðskrár.
Lyfjagreiðslunefnd viðhafði það verklag að birta fundargerðir nefndarinnar á vefsíðu sinni þar sem ákvarðanir nefndarinnar komu fram. Lyfjastofnun fyrirhugar að breyta fyrirkomulagi við birtingu ákvarðana um verð- og greiðsluþátttökumál þannig að fundargerðir verði ekki birtar, heldur tryggt að ákvarðanir verði birtar í lyfjaverðskrá og/ eða á vefsíðu Lyfjastofnunar.
Birting ákvarðana verður með eftirfarandi hætti frá og með 1. júlí 2022.
| Ákvarðanir | Birting | |
| Verðumsóknir | • Lyfjaverðskrá | |
| Greiðsluþátttaka almennra lyfja | • Lyfjaverðskrá | • Dálkur S „Greiðsluhlutur SÍ“ |
| Einstaklingsbundin greiðsluþátttaka í almennum lyfjum | • Lyfjaverðskrá | • Dálkur AU „Ákvörðun LST um greiðsluþátttöku“* |
| Greiðsluþátttaka lausasölulyfja | • Lyfjaverðskrá | • Verð í dálki AQ „Greiðsluþátttökuverð“ |
| Skilyrt greiðsluþátttaka almennra lyfja | • Listi á vefsíðu Lyfjastofnunar | • „Skilyrt greiðsluþátttaka dags dd.mm.áááá“, birtur samhliða útgáfu lyfjaverðskrár |
| Leyfisskylda lyfja | • Listi á vefsíðu Lyfjastofnunar • Lyfjaverðskrá | • „Leyfisskyld lyf og ábendingar með samþykktri greiðsluþátttöku ákvarðað af Lyfjastofnun frá og með 1.1.2021“, uppfært að jafnaði hálfsmánaðarlega • Dálkur W „Leyfisskyld lyf“ |
| Greiðsluþátttaka leyfisskyldra lyfja | • Listi á vefsíðu Lyfjastofnunar • Lyfjaverðskrá | • „Leyfisskyld lyf og ábendingar með samþykktri greiðsluþátttöku ákvarðað af Lyfjastofnun frá og með 1.1.2021“, uppfært að jafnaði hálfsmánaðarlega • Dálkur AU „Ákvörðun LST um greiðsluþátttöku“* |
| Röðun í viðmiðunarverðflokka | • Lyfjaverðskrá • Frávik frá verklagi í leiðbeiningaskjali á vefsíðu Lyfjastofnunar | • Dálkur AD „Viðmiðunarverðflokkur“ • „Röðun í viðmiðunarverðflokka“ |
| Niðurfelling úr lyfjaverðskrá vegna birgðaskorts | • Listi á vefsíðu Lyfjastofnunar | • „Mánuður, ár“ |
| Aðrar ákvarðanir og merkingar er varða upplýsingagjöf sem fram fer í lyfjaverðskrá | • Lyfjaverðskrá • Listi á vefsíðu Lyfjastofnunar | • Ýmsir dálkar lyfjaverðskrár • „Helstu breytingar“, birtar samhliða útgáfu lyfjaverðskrár |
| Höfnun umsókna um greiðsluþátttöku, leyfisskyldu, röðun o.þ.h. Aðrar ótilgreindar ákvarðanir. | • Listi á vefsíðu Lyfjastofnunar | • Aðrar ákvarðanir Lyfjastofnunar í tengslum við verð- og greiðsluþátttökumál |
| Fyrirkomulag og niðurstaða verðendurskoðunar og endurskoðunar á greiðsluþátttöku | • Fréttir á vefsíðu Lyfjastofnunar • Samráð við fulltrúa hagsmunaaðila |
*Unnið er að uppfærslu á upplýsingum í dálknum „Ákvörðun LST um greiðsluþátttöku“
Umsagnir og athugasemdir við breytt fyrirkomulag óskast sendar til Lyfjastofnunar á netfangið [email protected] fyrir 20. júní nk.