Lyfjastofnun vill vekja athygli á því að komin eru á markað
lyf sem leysa af hólmi nokkur algeng undanþágulyf. Ekki er því þörf á að sækja
um heimild til að nota undanþágulyf í þessum tilfellum.
Almenna reglan er sú að
slíkar undanþágubeiðnir eru endursendar með upplýsingum um að nú sé skráð lyf
fáanlegt gegn venjulegum lyfseðli. Ef nauðsynlegt er að nota ákveðið óskráð
sérlyf fyrir einstaka sjúklinga verður það að koma fram í rökstuðningi læknis.
- Nystan
mixtúra: Lyfið inniheldur 100.000 a.e./ml nystatin og er sambærilegt við Mycostatin sem nú er afskráð.
Sambærileg mixtúra, Nystimex
er nú skráð og kom á markað í sumar. - Quinine
Sulfate: Skráða lyfið var ófáanlegt
í byrjun árs og var lyf með sama heiti (Quinine Sulfate) flutt inn á undanþágu.
Skráða lyfið Quinine
Sulfate Actavis er nú
aftur fáanlegt. - Folsaure
5 mg töflur: Skráða lyfið Folic Acid
töflur hefur verið ófánlegt til nokkurs tíma og flutt var inn óskráða lyfið
Folsaure. Nýtt sambærilegt lyf, Folsyra
Evolan, kom á markað 1. október sl. - Testogel/Tostrex:
Skráða lyfið Testogel var ófáanlegt um tíma. Flutt voru inn nokkur sérlyf á
undanþágu til að nota á meðan. Skráða lyfið Testogel
er nú aftur fáanlegt. - Gutron
inniheldur 2,5 mg midodrin og hefur verið notað gegn undanþágu meðan ekkert
slíkt lyf var skráð á Íslandi. Nú eru komin tvö lyf á markað í 2,5 mg og 5 mg
styrkleika, Midodrin
Evolan og Hypotron. - Miralax.
Miralax er hægðalosandi lyf sem inniheldur makrógól í blöndum og hefur einkum
verið notað fyrir börn þar sem skráð lyf hafa ekki hentað börnum. Nú er komið á
markað sambærilegt lyf, Movicol
Junior Neutral sem ætlað er börnum og er bragðlaust. - Carbimazol/Thacapzol;Thiamazol:
Lyf við ofvirkum skjaldkirtli hafa eingöngu verið fáanleg gegn undanþágu til
fjölda ára. Þann 1. desember nk. er væntanlegt á markað lyfið Thiamazole Uni-Pharma 5 mg töflur.
Vakin er athygli á nýlegri síðu um
lyfjaskort hér á vefnum en hún er aðgengileg í gegnum hnapp á forsíðu. Á
síðunni eru upplýsingar um skráð lyf sem hafa verið ófáanleg í lengri tíma og
hvernig er hægt að bregðast við eftir því sem við á.
Minnt er á að lyf í rafrænni undanþágulyfjaverðskrá hafa ekki
markaðsleyfi á Íslandi frekar en önnur óskráð lyf, Lyfjastofnun hefur ekki
metið lyfin og þeim fylgja engar upplýsingar eða áletranir á íslensku fyrir
sjúkling.