1. september 2023
Skráða lyfið Rybelsus er ófáanlegt í öllum styrkleikum. Lyfið er væntanlegt til landsins í takmörkuðu magni í viku 37.
Um er að ræða skort á heimsvísu vegna aukinnar eftirspurnar sem afleiðing af skorti á lyfinu Ozempic. Lyfjastofnun birti frétt á heimasíðu þann 4. júlí sl. vegna skorts á Ozempic en þar má finna frekari upplýsingar ásamt leiðbeiningum Landspítala og Heilsugæslu höfuðborgarsvæðisins til heilbrigðisstarfsfólks.
Til eru önnur blóðsykurslækkandi lyf en ef lyfjanotendur þurfa að stöðva eða skipta um meðferð skal það gert í samráði við lækni.