18. september 2023
Skráða lyfið Ozempic kom til landsins í takmörkuðu upplagi í síðustu viku en kláraðist hjá heildsölu í vikulok. Birgðir gætu þó verið fáanlegar í apótekum.
Einhverjar birgðir koma til landsins um miðjan október en Ísland fær áfram takmarkað magn vegna skorts á heimsvísu.
1. september 2023
Skráða lyfið Ozempic er nú ófáanlegt í öllum styrkleikum. Lyfið er væntanlegt til landsins í takmörkuðu magni í viku 37.
Um er að ræða skort á heimsvísu vegna aukinnar eftirspurnar og eru sendingar af lyfinu því stopular. Gert er ráð fyrir að skorturinn vari út árið 2023.
Lyfjastofnun birti frétt þann 4. júlí sl. vegna skortsins en þar má finna frekari upplýsingar ásamt leiðbeiningum Landspítala og Heilsugæslu höfuðborgarsvæðisins til heilbrigðisstarfsfólks.